Aqutsisoqarfik nutaaq pilersinneqartussanngorpoq
Peqqinnissaqarfimmi nutaamik aaqqissuussinermut atatillugu aqutsisoqarfik Naalakkersuisunit oktobarip aallaqqaataanit pilersinneqartoq Peqqissutsimut Naalakkersuisoqarfimmiilerpoq.
Naalakkersuisut pitsaaliuinermut peqqinnissamullu atatillugu anguniagaasa ineriartorteqqinnissaat ataqatigiissaarnissaallu aqutsisoqarfimmit anguniarneqassasut, Naalakkersuisoqarfiup allattaa, Ann Birkekær ilisimatitsivoq.
Peqqinnissaqarfimmi aqutsisut Paarisalu aqutsisoqarfiup ataaniissapput, aaqqissuusseqinnerlu pissutigalugu Paarisamut allanniaraanni nassitsivissaq allanngorpoq. Allanniaraannilu uunga allattoqartassaaq:
Peqqissutsimut pitsaaliuinermullu Aqutsisoqarfik
Postboks 1001
3900 Nuuk
Sinerissamittaaq peqqinnissaqarfiit taakkununnga ilanngullugit kigutigissaaviit, Dronning Ingridip Napparsimavissua, Qaqiffik peqqinnissaqarfiullu ingerlatsinermut immikkoortortaqarfii aamma Aqutsisoqarfimmiilissapput.