Aqqusinerni quttanneq Brasiliami akiorniarneqalerpoq

Kiassuaq, 30-t sinnerlugit kiattoq, aqquserngillu quumit taseqqersimasut, Brasiliami illoqarfimmi Rio de Janeiromi, tamakku pissutigalugit ulluni makkunani tipigippallaanngilaq.
februaarip 19-at 2010 11:15

Aqqusinerni quttanneq Rio de Janeiromi oqartussaasunit akiorniarneqalerpoq. TV2-p nittartagaani tamanna atuarneqarsinnaavoq.

Aqqusiniinnarni quttattunik politiit maannakkut naammattoorsigaluarunik tigusarisalerniarpaat, inuillumi 302-t, kivileqqallutik naammattoortittut, saviminernik maannamut paffequtserneqareerput.

Aqqusinerni sissamilu quisarfeqartiteraluarpoq - tamakkuli nassaariuminaassinnaapput, ulikkaartuaannangajallutilluunniit, tassami nunarsuarput tamakkerlugu tusaamasaaqisoq, karnevali, ulluni makkunani pivoq, takornariallu 80.000-init amerlanerit maanna Rio de Janeiromiipput.

Aqqusinernili quttattut tassaanerupput angutit illioqarfimmi najugaqavissut. Kisianni aamma takornariat qulingiluat arnallu 13-it maangaannaq quisut tigusarineqarput.

Aqqusinernili maangaannaq quttattut maannamut tigusarineqartut iperagaaqqereerput - kanngunartuliorsimasutullu akiliisitaasussanngorlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq