Aqqunartut maanna Danmarkiliaanneqarput

Nutaarmiuni toqutaasut ukiui politiinit maanna nalunaarutigineqarput.

Arnat 75-nik 31-nillu ukiullit niviarsiararlu arfineq pingasunik ukiulik Nutaarmiuni ippassaq toqutaapput. Politiit ullup qeqqanut taama nalunaarput ullaap tungaa toqutsisoq Upernavimmi Eqqartuussivimmi killisiorneqareersoq.

Politiit siusinnerusukkut nalunaarutigigaluarpaat toqutsisutut pasineqartoq 20-nik ukioqartoq. Maanna ukiui naqqinneqarput 22-nik ukioqartoq nalunaarutigineqarmat, toqutaasunulli ilaqutaanersoq suli paasineqanngilaq.

Politiit paasiniaanerisa takutippaat toqutaasut sakkumik niaqqumikkut anaalerneqarnermikkut toqutaasimasut sakkutullu atorneqarsimasinnaasunik arlalinnik politiit nassaarsimapput.

Angutit marluk aqqunarsimasut aallarunneqartullu 32-nik 81-inillu ukioqarput. Angut 81-nik ukiulik assut peruluppoq taakkulu marluullutik maanna Rigshospitalimut ingerlanneqarput.

Politiit misissuinerisa aamma takutippaat inunnik allanik marlunnik angut toqutseriarsimagaluartoq. Toqoriarneqartut tassaapput arnaq 24-nik ukiulik nukappiarannguarlu marlunnik ukiulik. Taakku marluullutik ajoqusersimanngillat.

Toqutsinermut suna pissutaasimanersoq politiit suli paasinngilaat.

Nunatsinni politiit maanna pinerluttoqarsimatillugu paasiniaaqqissaartartunit Danmarkimiit ikiorneqarput aamma pinerluttoqarneranik toqusimasunik misissuisartoq Upernaviliarpoq toqutaasut pingasut misissoriartorlugit.

Nutaarmiuni innuttaasut ippassaq atuarfimmut katersortinneqarput tassanilu pisut pillugit politiit nassuiaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat