Nanortalimmi nukappissat marluk ujaarineqarneranni sila pitsaavallaanngilaq. Sapaatiummat ajutoorfiusup nalaa, tassa Tasersuup tasiata nalaa, anorlertuarsinnarpoq.
Nanortalimmi politeeqarfiup ittuata, Torben Klose-p, ilisimatitsissutigaa, Kangilinnguani sakkutooqarfimmut noqqaassutigisimagitsik taqqavani aqqartartut ujaaseqataanissaat.
- Pilersaarutit naapertorlugit aqqartartut aqagu tikissapput, aqqartartunullu silap qanoq innera apeqqutaaneq ajorpoq, Torben Klose oqarpoq.
Nukappissat marluk, 14-nik 18-inillu ukiullit, inerterneqareeraluarlutik kuussuaq sakkortuumik kuuttoq ikaariarsimavaat.
Nanortalimmi inuusuttut ornittagaat klubbi inuusuttunik tammarsimaartitsinerani taama pisoqarpoq.
Inuusuttut taakku marluk timaat taamanili politiinit ujaarineqalerput iluatsinngitsumilli.