Aqqaluk Sørensen Faaborg HK-mut nuulerpoq
21-nik ukiulik, Aqqaluk Sørensen, Danmarkimi Bjerringbro/Silkeborgimi aamma Odder Håndboldimi unammisartooreerpoq, Fynimulli maanna tassa nuulerpoq.
- Aqqaluk pikkorissorujussuuvoq, neriuutigaarpullu uagut klubbitsinni suli ineriartorluarnerussasoq, Fåborgimi assammik arsartartut klubbianni akisussaasoq, Jan Klink, oqarpoq.
GOG Svendborgimi assammik arsartartut, Jakob Larsen aamma Minik Dahl Høegh Aqqaluk Sørensenip taamaalilluni qanillinerussavai.
Faaborg HK-p GOG-illu sungiusaqatigiittarnissamik nutaamik qanittukkut isumaqatigiissuteqarnerata kingunerissavaa kalaallit taakku pingasut assammik arsartartut sapaatip akunneranut ataasiarlutik sungiusaqatigiittalernissaat.
Aqqaluk Sørensen Fynimi siullerpaamik sungiusassaaq juulip ulluisa 28-anni. Sungiusarngaareerunilu, ullualunnguit qaangiuttullu, tassa aggustip ulluisa sisamaan ni, U21-mi nunanut allanut unammisartut peqatigalugit Egyptenimut VM-eriassaaq.
