Aqqaluk Lynge: EU inuiannut ikinnerussuteqartunut sorsuppoq

- Sooruna niuernikkut killilersuinerit atorlugit inuiannguanut ikinnerussuteqartunut sorsuinnarpisi? ICC-p nunatsinni siulittaasua, Aqqaluk Lynge, Nunat Avannarliit ministeriisa aalajangersaasartuisa Ilulissani ataatsimiinneranni, taamatut apeqquteqarpoq.

- Puisinit nioqqutissiat eqquteqqusaannginnissaannut aalajangiinissamut tunngassuteqartoq pillugu isornartorsiuinera isumaqarpunga aalassaataasorujussuaq, Aqqaluk Lynge oqalugiarnermi kingorna oqarpoq.

- Iluamik misissuinerit assigiinngitsut toqqammavigalugit aalajangiisarnissaq amigaataavoq, misigissutsit pivallaarnagit.

Isumaqarpit tunisassiatta mattunniarneqarnerat taamaativinneqassasoq?

- Siunnersuusiornissamut ICC qaaqqutippoq, kisianni uagut naalakkersuisugut isumasioqqaarlugit apeqqut qanoq akineqarsinanassanersoq oqaluuseriumaarparput. Aamma Saamit issittormiullu allat oqaloqatigisariaqaratsigit, Aqqaluk Lynge oqarpoq.