Jeremiassenip nunanut allanut immikkoortortaqarfik isumagisassarilerpaa

Vivian Motzfeldt Inatsisartut siulittaasuattut toqqarneqarnermigut Ilinniartitaanermut, Kultureqarnermut, Ilageeqarnermut Nunanullu allanut naalakkersuisuujunnarpoq.

Taamaammat naalakkersuisuuffii Naalakkersuisuni ilaasortanut allanut marlunnut agguataarneqarput, tassalu Atassummeersumut Aqqalu Jerimiassenimut Siumumeersumullu Erik Jensenimut.

AAMMA ATUARUK Hans Enoksenip paarlattaa aana

Aqqalu Jerimiassen Inuussutissarsiornermut Nukissiuuteqarnermullu naalakkersuisooreerpoq, maannalu tassa aamma nunanut allanut naalakkersuisunngorluni.

Erik Jensenip aalisarnermut, piniarnermut nunalerinermullu naalakkersuisuusup, Vivian Motzfeldtip naalakkersuisuuffigisaata sinneri, tassalu ilinniartitaaneq, kultureqarneq ilageeqarnerlu naalakkersuisuuffigissavai.