Assi: KNR

Hans Enoksenip paarlattaa aana

Vivian Motzfeldt Inatsisartunut siulittaasunngorpoq. Partii Naleqqap sapaatit akunneri pingasut matuma siorna naalakkersuisooqataajunnaarneratigut Hans Enoksen siulittaasuujunnaartoq taassuma paarlappaa.

Aalajangiinissaq piffissami sivisujaami utaqqineqarpoq, pingasunngornermilu ualikkut aalajangerneqarluni. Vivian Motzfeldt Inatsisartut siulittaasuattut ataqqinaatilimmik suliassaqartussanngorluni Hans Enoksen taarserlugu toqqarneqarpoq.

Atuuffilli inuttalerneqanngitsoq utaqqineqartoq taanna kisimiinngilaq. Naalakkersuisutut atuuffiit arlallit Kielsenimit toqqarneqarnissaat suli utaqqivagut.

Taamaalilluni nunanut allanut tunngasunut naalakkersuisuujunnaarluni Inatsisartuni siulittaasunngorpoq.

Mala Høy Kukollu Vivian Motzfeldtimut sinniisuunera pissutigalugu taassuma Inatsisartuni atuuffini tamanna ilutigalugu qimappaa.

AAMMA ATUARUK Kielsenip naalakkersuisooqatigiivi nutaat aajuku

Inuit Ataqatigiit Partii Naleqqallu Mimi Karlsen Inatsisartut siulittaasuatut siunnersuutigigaluarpaat.

Inatsisartut siulittaasorisimasaa oqaaseqarluni naggasiivoq.

- Inatsisartuni ilaasortanut 31-nut siulittaasussatut toqqaasimasunut siulittaasuusimanera tulluusimaarutigaara, Hans Enoksen oqarpoq, Inatsisartunilu suleqatigiissimanerminut qujassuteqarluni.

Enoksen Naalakkersuisut siulittaasuannut aamma qujassuteqarpoq:

- Suleqatigiilluarsimavugut. Aqqusaakkagut nuannersuunerusut amerlaqaat, Hans Enoksen oqarpoq.

Sulittaasoqarfimmiilersullu tassaalerput Mimi Karlsen, Randi Vestergaard Evaldsen, Jess Svane aamma Hans Enoksen.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat