Aqagu arfineq-pingasut tungaanut angalaqqusinngikkallarput
Danskit silaannakkut angallatissanngikkallarput, aqagu arfininngorneq nalunaaqutaq ullaakkut arfineq pingasut tungaanut. Norskit finskillu silaannakkut angalagallatissanngillat sapaat ilanngullugu. Taama nalunaarput Naviair Jyllandspostenip allaaserisaa malillugu.
Allattoq Apollo Jeremiassen
apriilip 16-at 2010 12:37
Silaannakkut angallannerup unitsinneqarnerata atorunnaarsinneqarnissaa imaluunniit tallinissaa danskit nalunaaqutaat malillugu nalunaaqutaq quligiluanut nalilersorneqaqqissaaq.
Norgemiut Finlandimiullu nalunaarutigereerpaat sapaat ilanngullugu tamaani timmisartortoqassanngitsoq. Taamaattoq Norgip avannaarpiarsuani timmisartoqqusinnginneq atorunnaarsinneqareersimavoq.
Arfininngorneq ilanngullugu Europami timmisartuussineq kinguaattoorfiugallassaaq.
Nunat Tjekkiap, Slovakiap, Schweitzip, Rumæniap, Tuluit Nunaata aamma Ungarnip nalunaarutigereerpaat silaannakkut angallatissannginnerup maanna atuutsinneqartup atuuttuuginnarnissaa pillugu imaluunniit arfininngorneq ilanngullugu silaannakkut matoqqatitsissanerlutik aalajangerumaarlutik.
