Sikkilertartoq Emil: Apuuffissani qanillivaa

Emil Hvidtfeldt sikkilertartoq siorna aprilimili sikkilerluni Finlandimi Turkumiit aallarpoq, Europamilu nunarpassuit aqqusaarlugit aasiap nunavittarsuatigut kilumiitererpassuarni sikkilereersimalerluni maannakkut Thailandimiilluni. 

 - Timmisartornak allanillunniik ikiorteqarnak sikkilerfigisinnaassavit isorartunersaasa ilagaat.Tassalu sikkileraanni misigisassani anneqarpianngilaq, Emil Hvidtfedt oqarpoq. 

Taassuma 18.000 kilometerini sikkilissalluni anguniarpaa, mannalu 15.000 kilometerit angoreerlugit. 
Emil Kinamut killeqarfeqartumi Kyrgistanimiittoq KNR-imiit kingullermik tusarparput. Nunalumi taanna pikkunarnerpaasutut misigisaqarfigisimavaa: 

 - Inutsialaasuupput, timersuuteqarput Ulammik taasakkaminnik. Hestit qatigaanni unammissut paanertut ingajattuuvoq. Angutit 200-jut missiliortut histit qatigaanni iperaatserlutik nissilersorlutillu savaasaq pisariniarlugu unammipput, uangalu akornanniillunnga.

AAMMA ATUARUK Kalaallit inuusuttaat pillugit Finlandimit Indonesiamut sikkilertoq

Asiamut pinermini kiammik ajornartorsiulerpoq, allaat napparsimavimmi ikiorserneqartariaqarluni, maannali peqqisseqqereerpoq.

Angalaninili sivittoraluartoq tunniutiinarusunngilaq. 

- Angerlaannarnianngilangalu anguniagara angutinnagu, Emil Hvidtfeldt oqarpoq.

Taassuma maannakkut 40.000 koruuningajaat katersoreersimalerpai, namminerlu angalanini soorlu nerisaqarnini ineqarninilu nammineq akilertarpai.

Nittartagaatigullu tassa, www.TheOddTrip.com-ikkut kikkulluunniit tapiissuteqarsinnaapput.