Aputip sisoornerata illu nikisippaa
Nammineerluni illuliaq toqqavimminiit illuarneqarpoq Qaqortumi Hastrup/Peter Høeghsvej-mi ullaaq manna aput sisoorujussuarmat.
Qaqortumi politiit nalunaarput aputip sisoorujussuarnerani inunnik ajoqusertoqanngitsoq. Politiilli innuttaasunut kajumissaarutigaat illoqarfiup tamanna orninneqassanngikkallartoq.
Hastrupvej-imi illuni najugallit tamarmik maanna qimagussortinneqarput aputip sisooqqissinnaanera aarlequtigineqarmat.
- Qatserisartut, ambullance kommuunillu sulisui maanna ulappupput annaanneqarsinnaasut annaanniarlugit, Qaqortumi politeeqarfimmi politikommisær Bent Ole Kleist nalunaarpoq.
Aput sisoormat inuk ataaseq illumi sisoorfigitittumiissimavoq qujanartumilli ajoquserani.