Avatangiisit

Aputaajaanerujussuaq kommunenut artukkiivoq

Nunatsinni sumiiffiit amerlanersaani apisupilorujussuuvoq aputaajaallunilu ulapputtoqarpoq Aputaajaanissamut missingersuutini tamanna malugineqarpoq. Kommune Kujallermi aputaajaanissamut missingersuutit affaat atorneqareerput.
Assi © : KNR
Allattoq Jaaku Lyberth
marsip 31-at 2017 08:36

Taama oqaluttuarpoq Mikael Olsen Nanortalimmi aputaanermut akisussaasuusoq

- Jannuaarip aallaqqaataanit ullumimut ukiup siulianut sanilliullugu 25 procentinit amerlanerusunik aputaajaanermut

atorneqarput, Mikael Olsen oqarpoq.

Qaasuitsup kommuniani ingammik februaarip qaammataani annertoorujussuarmik apivoq

Aputaajaanissamut avataaneersunik sulisussarsiortoqartariaqarsimavoq

- Piareersarfinniittunik Majoriamiittunik nivattartussanik pissarsisoqartariaqarsimavoq taakkualua atorluarneqarput, Otto Sandgreen Qaasuitsup Kommuneani ingerlatsinermut avatangiisinullu akisussasuugallartoq taama oqarpoq.

Nuummi utoqqaat innarluutillillu

Kommuneqarfik Sermersooq Nuummi innarluutilinnut utoqqarnullu nammineerlutik aputaajaasinnaanngitsunut aputaajaassunneqarnissaannik periarfissinneqarput.

AAMMA ATUARUK Utoqqaat innarluutillillu Nuummi aputaajaassunneqartut

Nuummi aperujussuarnerata kingorna kommuneqarfik Sermersooq pilertortumik immikkut iliuuseqartariaqarsimavoq

Kommuneqarfik Sermersuumi utoqqarnut sullissivimmi pisortaq Lise Lotte Have oqarpoq.

Innarluutillit utoqqaat pitsorluttullu 30-it missaanniittut Kommuneqarfik Sermersuumi utoqqarnut immikkoortortaqarfimmut aputaajaanissamut pisariaqartitsisut saaffiginnipput, taakkualu Sanarfinermut Avatangiisinullu ingerlatsivik inissiaatileqatigiiffiillu INI A/S aamma Iserit A/S oqaloqatigeereerlutik aputaajarneqarneqartariaqartut aputaajarneqarput, Lise Lotte Have oqarpoq.

Qaasuitsup kommuneani apisorujussuuvoq.

- Apisorujussuunera maluginiarparput, uangaannaanngilaq, isumaliorpunga Qaasuitsup kommuniani innuttaasut amerlanersaasa maluginiaraat, ukiuni kingullerni apinerulioriartuinnartarnera, tamannalu kommunemut aningaasat tungaatigut kinguneqarluni, Otto Sandgreen Qaasuitsup Kommuneani ingerlatsinermut avatangiisinullu akisussasuugallartoq taama oqarpoq.

Nanortalimmi nittaatsillugu persertillugulu qalutaassuit aputaajaatit ulloq unnuarlu aputaajaasinneqartarput aamma kommunemi nivattuusartut meeqqerivinni utoqqaat illuini napparsimavimmilu aputaajaasarput Nanortalimmi ingerlatsinermut teknikeri Mikael oqarpoq.

 

 

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk