Apummik ilusilersukkanik kusanarneqqusaanneq alutorsaataavoq
- Apummik ilusilersuilluni kusanarneqqusaannerup tungaanut sila perserlunilu issittukasiuvoq, taamaattumik peqataasut issersuup ataani unamminissaat siullermik aarleqqutigaarput, ilusilersuinermut ilinniartitsisoq Peter Holme oqaluttuarpoq.
Apummik ilusilersuilluni kusanarneqqusaannissaq aallartittorlu seqineq nuivoq sapaatillu akunnera naanera tamaat peqataasut silagissioqalutik ilusilersuisut, Peter Holme oqaluttuarpoq.
Aasianni apummik ilusilersuilluni kusanarneqqusaanneq ukiut arfinilissaat aaqqissuunneqarpoq.
Unamminermi ilusilersueriaatsit pingasut qinigassaapput: Aalajangersimasumik ilusiligaanngitsumik unamminermi Avannaani Ilinniarnertuunngorniarfimmi ilinniartut, 3.g, ajugaapput, aalajangersimasunillu ilusilersuinermi 1. P-mi ilinniartut ajugaallutik, meeqqat unammisinneqarneranni 5. Klassemi atuartut ajugaapput.
Apummik ilusilersuilluni kusanarneqqusaanneq Qaasuitsup Kommunianit Avannaanilu Ilinniarnertuunngorniarfimmit aaqqissugaavoq. Unamminermi akissarsiat katillugit 15.000 koruuniusut illoqarfimmi namminersortunit aningaasaliiffigineqarput.
