Nuummi aputikilliartuinnarnera peqqutigalugu apummik ilusilersuinissaq unitsinneqaqqajaavoq.
Apummik ilusilersuinissaq ullumi aallartittussaagaluaq sapaatip akunneranik kinguartikkallarneqarpoq. Kinguartitsisoqaqqissanersoq marlunngorpat aalajangerneqassaaq. Imaassinnaavorli aamma aaqqissuisut Nuuk Tourism unitsiinnarneqarnissaa aalajangeraat.
Nuummi sila kiaqattaarpoq, apummillu ilusilersuinissaq unitsinneqarataannaavoq.
-Apummik ilusilersuinissaq ingerlanneqassappat, ulloq ataaseq imaluunniit marluk nittaalluartariaqassaaq, Nuuk Tourism-imi pisortaq Flemming Nicolaisen oqarpoq.
Iligiit 25-it peqataaniarlutik nalunaarsimapput, kinguartitsisoqarmalli marluk uniinnarsimapput.