Appat toqorartut attorniaqinagit
Uumasunut Nakorsaqarfik Inuussutissalerinermullu Oqartussaaffik mianersoqqussuteqarpoq: Kujataani appat toqorartut attorniaqinagit.
Allattoq mlk, Simon Uldum
Piffissami kingullermi appat nammineerlutik toqorarsimasut Nanortallip Narsallu akornanni naammattoorneqartarsimapput.
Timmissat suna pissutigalugu toqorarsimanerat ilisimaneqanngilaq Pinngortitaleriffimmiillu maanna misissuiffigineqaleruttorpoq.
Pissutaasoq erseqqissumik paasineqarsimatinnagu inuit kaammattorneqarput timmissanik pineqartunik attuinaveersaaqqullugit.
- Pissutaasoq erseqqissumik paasineqarsimatinnagu inuit kaammattorneqarput timmissanik pineqartunik attuinaveersaaqqullugit, Uumasunut Nakorsaqarfik Inuussutissalerinermullu Oqartussaaffik tusagassiorfinnut nalunaaruteqarluni taama kaammattuuteqarpoq.