Appat mannii pillugit paasisat nutaat

Ilisimatuup imermik kuisisoorneratigut appat mannii nutaanik paasisaqarfigineqarput.
Allattoq Martine Lind Krebs, Simon Uldum
oktobarip 15-at 2013 04:57

Appat manniisa qalipaasa qaavi immikkuullarissunik illersuuteqartut ilisimatuut tuluit nunaanneersut paasisimavaat. Polarfrontenimi saqqummersumi kingullermi tamanna allaaserineqarpoq.

Manniit assigiinngitsut imermik kuisoorakkit paasivarput erngup kuseriarneri appat manniinut manninnut allanut naleqqiullugit allaanerusumik pissuseqartut. Imermi manniup sinaatigut kuunngilaq kuseriarnerilli mannip qaavani kuseriarninnguuppoq, Steven Portugal Londonimi Royal Veterinary Collegemeersoq Polarfrontenimut oqarpoq.

Ilisimatuut appat mannii timmissat allat manniinut 400-nut assersuullugit misissorsimavaat, appallu manniisa qaavi qummukujoortunik immikkuullarissunik iluseqartut paasisimallugu. Manniit qaavisa taamatut iluseqarnerisa manniit imminut salissinnaanngortippaat, appallu piaraata manniup iluani anersaartorniarnera oqilisillugu. Aammattaaq manniit qaavisa maniilakulattuunerat innamit appat piaqqiorfigisaannit assakattarlutik nakkarnissaat ajornarnerulersittarpaat.

Appallu manniliaminnut ulluliortuunngimmata tamanna pitsaalluinnarpoq. Ilisimatuulli oqaatigisinnaanngisaat soorunami tassaavoq sorleq siulliusimassanersoq: ulluliortannginnerat imaluunniit manniit qaavisa maniilakulattuunerat.

Aamma atuaruk