Appat eqqissisimatitaalluinnarnissaat innersuussutigineqarpoq
Kalaallit Nunaanni appaqarfiit 1990-ip missaanili 33-71 procentimik ikileriarsimapput.
Appariarnerujussuaq pivoq, naak 2001-imili upernaakkut appanniarsinnaaneq inerteqqutaatinneqaraluartoq allatigullu pisassanik appaasoqartarsimagaluartoq.
Tusagassiortunik katersuutitsinermi ilisimatusartoq Aili Lage Labansen aamma ilisimatusarluarsimasoq Flemming merkel saqqummiisuupput.
Taama sakkortuumik piumasarneq pivoq ilisimatuut appat amerlassusaasa qaffariartunnginnerannik maluginiangaqarmata, naak piniaqqusaajunnaartaraluartut killilersorneqartaraluartullu.
Siusinnerusukkut Pinngortitaleriffiup nalunaarutigisareerpaa appat ikiliartornerannut unioqqutitsilluni piniartarnerit pisooqataasut. Ilisimatuulli maanna avatangiisit pisooqataasinnaanerat aamma eqqumaniarfigilerpaat.
Aili Lage Labansenip oqarneratut piniaqqusaajunnaavissinnaanngippata, taava piniarneqarsinnaanerisa sivikillinissaat inassutigaa qaammat ataasiinnanngorlugu oktobarip 15-ianniit novembarip 15-iannut ullumikkutuut februaarimuunngitsoq.
Eqqortorli aana, appat iniminniik qimagukkaangasa taava inaasa pileqqissinnaanerat assorsuaq ajornalersarpoq, siornatigullu Kalaallit Nunaanni takuneqarsimanngilaq appat iniminnut uteqqittut, Kalaallit Nunaanni Pinngortitaleriffik inerniliivoq.
