Apparpassuit toqungasut Danmarkimi nassaarineqartalerput
- Appat hornorujunit amerlanerit Kattegatimi sapaatip akunnerisa ikittunnguit ingerlanerinnaani nassaarineqarnerat assut ernumanarpoq. Eqqumiiginarporlu appat hornorujulippassuit nunamut qanittuaqqami aalisakkanik neriniartalersimanerat, tamannami arlaleriaqaluni piffissami kingullermi uatsinnut nalunaarutigeqartuarpoq, Danmarkimi Timmiarsiuut Kattuffianni biologi, Knud Flensted, oqarpoq.
Immap uumasuinik ilisimatuut ukiaq-manna ilisimatitsissutigisarpaat Nordsømi timmissat aalisakkanik inuussutillit nerisassaaleqilersimanerat.
Islandimiit Savalimmiut tungaannut aamma Skotlandimiit Norgep tungaanut immap ilaani annertoorujussuarmi timmissat imarmiut ima nerisassaaleqitigaat timmiaqarfiit ilaanni timmissat piaraat suli timmisinnaalernatilluunniit toquinnartarlutik.
