Aporsisunik takunnissimasinnaasunik Nuummi politiit ujarlerput
Sapaammi septembarip 28-anni ullaassakkut pingasut missaanni imerniartarfiup “Kalistiinaaqqap” eqqaani aqqusinermi aporsinermut atatillugu, arnap 26-nik ukiullip ajoquserneqangaatsiarfigisaanut, Nuummi Politiit paasiniaanerminni ilisimannittunik ujarlerput.
Allattoq Mads Lynge
Politiit attaveqarfigerusuppaat inuit ajutoorfiup eqqaaniiissimasut, tassa Nuummi Aqqusinersuarmiissimasunik, imerniartarfiup Kalistiinaaqqap Tele Post Centerillu akornanniissimasunik.
Nuummi Politiit biili qaamasumik imaluunniit siilivimik qasertumik qalipaatilik aammmattaaq ujaaraat, apuinerup nalaani Aqqusinersuarmi kujammut ingerlaartoq.
Nuummi politiit oqarasuaammi 32 14 48-mut attavigineqarsinnaapput.