Aporaattoqarnissaa aarleqqutigineqarpoq
Taamatut naliliivoq Naalagaaffiit Peqatigiit sakkutuuvisa pisortaat Alain Le Roy nutaarsiassaqartitsivimmi AFP apersorneqarluni.
Qanittumi præsidentimut qinersisoqarmat præsidentiusimasoq Laurent Gbagbo ajorsarpoq.
Naalagaaffiit Peqatigiit sakkutuuvisa nunami pisariaqartinneqartut assartuiniarneranni Præsident Ghagbop sakkutuujutitaannit sakkut atorlugit akornusersorneqarput assersorneqarlutillu.
Præsidentimut qinersinermi ajorsartoq sakkutuunik immikkut sungiusakkanik arlalinnik sakkutuulersorpoq, ilaat Liberiaminngaaneersorineqarlutik, Naalagaaffiit Peqatigiit Elfenbenkysten-imi eqqissisimatitsiniarlutik sakkutuut aqutsiasuanit oqaatigineqarpoq.
Elfenbenkysten-imi præsidentimut qaammat kingulleq qinersisoqarmat, præsidentiusimasoq Ghagbo ajorsarpoq, Alassane Ouattra ajugaalluni, taanna EU-mit USA-mit Den Afrikanske Unioq-millu præsidentiusussatut akuerisaavoq.
Præsidentimut qinersinermi ajorsarput piumasaraa, Naalagaaffiit Peqatigiit nunami sakkutuujutitaat Elfenbenkysten-imit aallassasut. Naalagaaffiit Peqatigiit isumannaallisaanermut siunnersuisoqatigiivi ippassaq aalajangerput, sakkutuut eqqissisimatitsinissamik sakkutuujutinneqartut Elfenkystenimiitinneqarnerat sivitsorneqassasoq.
