Apollo Jeremiassen qineqqusaarnerup nalaani sulinngiffeqarallarpoq
KNR-imi TV-kkut saqqummiisartoq Apollo Jeremiassen Inatsisartunut qinersinissamut Demokraatit sinnerlugit sassarpoq. Taamaalilluni KNR-imi atorfeqarnermini sulinngiffeqarallarluni.
![](/sites/default/files/styles/image_934x467/public/article_images/apollo_jeremiassen.jpg?itok=KAImwvWY)
Allattoq Aaqqissuisoqarfik / Redaktionen
Apollo Jeremiassen Demokraatit sinnerlugit qineqqusaarnissaa partiimiit sisamanngornermi avammut nalunaarutigineqarpoq.
Apollo Jeremiassenip Inatsisartuni qinersinissamut sassarniarluni KNR-imut sapaatip akunnerani uani nalunaarutigaa, qineqqusaartoqarneranilu sulinngiffeqarallarnissaa illuartungeriit isumaqatigiissutigaat.
Apollo Jeremiassen KNR-imi atorfeqarnermini qanoq ingerlaqqissanersoq qinersinerup kingorna aalajangerneqassaaq.