A.P.Møllerip Aningaasaateqarfianit aningaasaliissutit IA-mit nuannaarutigineqarput
Kalaallit Nunaanni Peqqinnissaqarfimmut 140 millioni koruuninik A.P.Møllerip Aningaasaateqarfianiit aningaasaliisoqarneranut politikkikkut qisuariartoqarpoq.
Qisuariartoq tassaavoq Inuit Ataqatigiit peqqinnissaq pillugu oqaaseqartartuat, Juliane Henningsen. Taanna isumaqarpoq, aningaasaliissutit Kalaallit Nunaanni innuttaasunut, minnerunngitsumillu sulisunut, assut sunniuteqassasut.
Juliane Henningsen aamma allappoq, peqqinnissaqarfik ukiuni makkunani unamilligassanik pisariillisaanermillu annertuumik suliassaqartoq, ulluinnarnilu suliassat milliartunngitsut.
Taamaattumik A.P.Møllerip Aningaasaateqarfiata tunissutai aqqutigalugit suliassat tamakku Kalaallit Nunaata naammassisinnaanngussagai.
- Kalaallit Nunaata avataanit tapersersuisoqarusummat nuanneqaaq, taamaammat aamma politikeritut tulleriiaareqqissaartariaqarnermik piumasaqaateqarpugut, Juliane Henningsen, peqqinnissaq pillugu Inuit Ataqatigiinni oqaaseqartartoq, naggasiivoq.
140 millioni koruunit tunissutigineqartut Nuummi Dronning Ingridip Napparsimmavissuani nakorsiartarfissamut nutaamut – taavalu pilattaasarfeqarfiup nakorsiartullu peruluttut iseqqaartarfiata nutaamik aaqqissuunnissaanut atorneqassapput.
