Apersortittarneq pillugu nalunaarut atuutilerpoq

Tassani kikkut apersortissinnaanersut, qaqugu apersortittoqassanersoq, apersortinnissamullu sungiusarnermi suut ilinniarneqassanersut kapitalini sisamani paragrafinilu 17-ini aalajangersarneqarput.

Ukiumi apersortiffiusussami, upernaakkut ingerlanneqakkajuttumi, novembarip 15-iat kingusinnerpaamik apersortiffigineqassaaq.

Nalunaarummi aamma aalajangersarneqarpoq, apersortinnissamut piareersarneq 8. klassimi ingerlanneqartassasoq. Taamaattorli apersortinnissamut sungiusarnermi illoqarfimmi nunaqarfimmiluunniit najugaqarneq apeqqutaavoq. Tassami illoqarfimmiut palasimit ikinnerpaamik 40 tiimini piareersarneqartussaapput, nunaqarfimmiulli 24 tiimiinnaat naammagisariaqassavaat.

Aamma meeqqat kristumiutut perorsarneqarnerminnut kuisinnerullu nalunartuinut soqutiginninnerat killeqassagaluarpat, nlunaarut nutaaq kinguneqartitsinissamut periarfissiivoq.

Tassami palasip apersortinnissamut sungiusarnermi peqataalluarsimanngitsut apersortinnissaat itigartissinnaalerpaa. Taamaattorli palasip aalajangiinera isumaqatigineqanngippat, tamanna biskopimut naammagittaalliuutigineqarsinnaavoq. Biskopillu aalajangiinera allanngortinneqarsinnaanngilaq.

Apersortinnermut malittarisassat nutaat atuutilereerput.