Kielsen: Apeqqut naatsumik ersarissumik ilusilersorneqarlunilu tunngavilersorneqassaaq
- Soorlu massakkut 300-pput. 300-pput qaammammut agguaqatigiissillugit apeqqutit!, Naalakkersuisut siulittaasuat Kim Kieldsen Qanoruumut sisamanngormat taama oqarpoq.
AAMMA ATUARUK Paragraf 37 atorlugu apeqquteqaateqarneq pingaartuusoq
Inatsisartut ilaatigut tulluutinngitsunik apeqquteqaateqartarnerarlugit, Kim Kielsen sakkortuumik isornartorsiuivoq.
Apeqquteqaatinut ilaavoq "Kalaallit qimmii qimuttut nunanut allanut anninneqarsinnaappat?".
- Tulluanngilaq. Nammineerluni ataasiakkaarluta tassani qaqilerneqarsinnaavoq, kisiaani parteqqatitsinninngaaniit illua tungiliuttunit partii tamaginni apeqqutit taamaattut aasigiinngitsut apuussorneqartarput, Kim Kielsen taama oqarpoq.
Taassumalu maleruagassat inatsisartunit ataqqineqanngitsutut nalilerpaa.
- Apeqqut naatsumik ersarissumik ilusilersorneqassaaq aammalu tunngavilersorneqarluni, Kim Kielsen taama oqarpoq.
Taasuma siulittaasuuffigaa partii paragraf 37 atorlugu apeqquteqarnerpaaq, tassa Siumut, ukiup qaammataani siullerni marlunni 300-nik apeqquteqarsimasut.
Illua tungiliuttut Demokraatit apeqquteqarnerpaat tullertut inissisimapput.
Taamatulluni apeqquteqartarneq illua tungiliuttunut naatsorsuussaasoq, Demokraatit, Siulittaasuat Randi Vestergaard Evaldsen erseqqissaavoq.
Naalakkersuisut suliatik pillugit ammanerusumik ingerlariaaseqaraluarpata apeqquteqaatit ikinnerusinnaanngikkaluarnersut, Kim Kielsen Qanoruumit aperineqarpoq:
- Ammasumik ingerlatsivugut aamma innuttaasunut ataatsimiitsitsisaqattaartarpugut, eqqartuisaqattaartarpugut, Kim Kielsen oqarpoq.