KNR A.P. Møller-ip Aningaasaateqarfianit KNR-ip toqqorsivianiit digitaliserinissamut aningaasanik annertuunik tunissuteqarfigineqartoq

Kusanartumik tunissutinik 2 mio. kr.-inik A.P. Møller-ip Nuliatalu Chastine Mc-Kinney Møller-ip Aningaasaateqarfianiit Siunertanut nalinginnaasunut isumalerujussuarmik tapiiffigineqarpoq kalaallit kulturikkkut kingornussassanik KNR-ip radio-mi aamma TV-mi aallakaatitassianik nutaanngitsunik digitaliserinissamut qulakkerinnittussamik.

Radio- aamma TV-båndinik kalaallit oqaluttuarisaanerannik pissanganartunik oqaluttuanik aamma ataatsimoorussatsinnik inuppalaartunik eqqaamasassatsinnik inuttullu ilisarnaatitsinnik pingaaruteqartunik imaqartunik.

Taakkua aallakaatitassiat kalaallit inuisa aamma Naalagaaffeqatigiinnerup iluata sinnerani oqaluttuarisaanermi toqqortat piunnarnissaat qulakkeerneqassapput, ullummikkut tamanut ammanngitsunik.

Taakku oqaluttuarisaanermi erlinnartut maanna inunnik suliarinnittussanik immikkut ilaneqassapput taamaasilluni digitaliseriineq sukkatissaaq. KNR-ip maannakkumut båndit amerlasuut digitaliserereerpai kisianni TV-båndit 9.000-it aamma radiobåndit 5.000-it suli digitaliserernikuunngillat. Immikkut ittumik aningaasaliinikkut taava KNR-ip naatsorsuutigaa digitaliseeriineq 2024-ip naanerani naammassineqassasoq.

Båndit nutaanngitsut, radiobåndinut tunngatillugu 1958-imeersuupput aamma TV-båndit 1982-imeersuupput, taakku magnetbåndinut pitsaasunik toqqorsiveqannginnerup kingunerisaanik ajortikkiartuinnarput kiisalu oqummik, taamaattumik KNR-ip nuannaarutigaa, kiisami kulturikkut kingornussat piffissami ungasinngitsumi qulakkeernissaannut periarfissinneqarput.

Båndit digitalisererneqareerpata taava aallakaatitassiat pissanganartut amerlasuut tamanut ammaanneqassapput, ilaqutariit ileqquinut tunngassuteqartut, piniariartarfinnut, kalaallisuuliornernut aamma umimmaat qiviunik suliarinninnernik politikkikkut inuunermut, Kalaallit oqaasiisa ineriartornerannut aamma silaannaap pissusaata allanngoriartorneranut nunat ilaanut issittumi pingaarutilerujussuit.

 

Paasissutissat amerlanerusut KNR-ip Pisortaanut, Karl Henrik Simonsen-imit oqarasuaat: 55 05 30-ikkut, mail-ikkut: khs@knr.gl-ikkut pissarsiarineqarsinnaapput.

Allaffigitigut

KNR attaviginiarlugu ataani immersuivik atorlugu, emailikkulluunnit info@knr.gl 

imaluunniit uunga allaffigisinnaavatsigut:

KNR | Box 1007 | Issortarfimmut 1A | 3900 Nuuk

 

Sianerit (+299) 361500 | Fax. (+299) 361502

Akineqarusukkuit email allaguk. Inuttut pisinnaatitaaffitit ataqqillugit emailadressit allanut tunniunneq ajorparput
Suna pillugu attaviginiarpitigut?
Oqaatigerusutatit uani allakkit
CAPTCHA
Apeqqut una robot-iunnginnerit inuusutit qulakkiissavaa. Spam-eqanngissaq anguniarlugu.