Anthon Frederiksenip siunnersuutaa taperserneqanngilaq

Avannaani Ilinniarnertuunngorniarfiup Aasianniittup Ilulissani immikkoortortaqarfeqalernissaanik Anthon Frederiksenip Kattusseqatigiit Partiianneersup siunnersuutaa, Inatsisartuni amerlanerussuteqartunit taperserneqanngilaq, Naalakkersuisuniillu aamma ilalernartinneqarani.
oktobarip 26-at 2007 05:32

Aasianni ilinniarnertuunngorniarfiup Ilulissani immikkoortortaqarfeqalersinnaanissaa pillugu Inatsisartuni ippassaq oqallittoqarpoq, Demokraatillu kisiartaallutik siunnersuummut tapersiipput.

- Demokraatit isumaqarput ilinniarnertuunngorniarnermi ilinniartitaanerup nutarterneqarneranut atatillugu Kalaallit Nunaata Avannaani ilinniarnertuunngorniarluni ilinniarfiup Ilulissani immikkoortortaqarfissaanik pilersitsisinnaanissaq pillugu periarfissanik misissuineq ilaatinneqartariaqartoq, Inatsisartuni ilaasortaq, Lene Knüppel, Demokraatit sinnerlugit oqarpoq.

Ilinniarnertuunngorniarfiit pissusissamisoortumik inissisimanersut maanna misissuisoqaleruttorpoq, Naalakkersuisullu tamanna pillugu maannangaaq oqaaseqarsinnaanngikkallarnertik erseqqissaatigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq