Anthon Frederiksen: Meeqqat pillugit nutaamik pingaarnersiuisa

Alcoamik suleqateqarneq aamma meeqqat tamarmik ileqqaartinneqarnerat sipaarfigalugit, ilaqutariit meerartallit pissakinnerit ikiorneqartariaqartut, ilaatigut akileraaruttaat apparlugit, Anthon Frederiksen isumaqarpoq.

- Alcoa-lu suliniummut 90 mio. kr.-inik aningaasaliissuteqarpugut. Taanna ilumut meeqqaniit salliutinneqassava, imaluunniit aqagumut utaqqitinneqarsinnaava, Inatsisartunut ilaasortaq aperivoq?

Anthon Fredriksen-ip erseqissarpaa, Alcoap suleqatiginera isumaqatigalugu, suliffissanik pilersitsisussaammat. Isumaqarporli tassannga appaanikkut meeqqat kaattut ikiorluarneqarnerusinnaasut.

- Aamma pisuut meerartaanut pisortanit aningaasanik ukiut tamaasa sipaartinneqarput, naak pisariaqartitsinngikkaluartut. Meeqqat salliutinneqassappata tamakkua isigineqartariaqarput.

Ilaqutariit meerartallit akileraarutaat appartinneqassasoq, Kattusseqatigiit Partiiat aamma isumaqarpoq.

- Taakkua akileraarutaat appartinneqarpata, illuatungaani pisortanit ikiornearnissamik pisariaqartitsineq millissaaq.

Aammali meeqqat kaattut kisiisa pinnagit angajoqqaat pissusilersuutaat qissimigaarneqartariaqartut, Inatsisartunut ilaasortaaq isumaqarpoq.

- Meeqaat tapisiassaat tunniunneqaraangata angajoqqaat ilaasa imigassamut ajoraluartumik atortarpaat, tamakkualu ilanngullugit aaqqinneqartariaqarput, Kattusseqatigiit Partiiata siulittaasua, Anthon Frederiksen, oqarpoq.