Anthon F.: Peqqissutsimut naalakkersuisoq tunniutiinnarpalaarpallaarpoq

Tarnimikkut nappaateqartut kalaallit Nunaanni katsorsarneqarsinnaannginnerarlugit, Peqissutsimmiut naalakkersuisup Arkalo Abelsenip oqarnera, tunniutiinnarpalaarpoq anguniagaqarpalaaranilu, taama oqarpoq Kattusseqatigiit inatsisartuni ilaasortaatitaat Athon Frederiksen. Taanna isumaqarpoq peqqissaasut nakorsat ilinniarsimasullu pisariaqartinneqartut.
Allattoq Louise M. Kleemann
septembarip 08-at 2008 10:34

- Isumaqarpunga taamatut oqarneq anguniagaqarpalaanngitsumik aammalu tunniutiinnarsimarpalaartumik nipeqarnera akuersaariuminaatsoq. Pingaartumik Kalaallit Nunatsinni siunissami suliassat, pisussaaffiit akisussaffiillu annertunerusumik naalagaaffimmiit tigooqqarnissaat eqqartorneqartillugit, taamatut nalunaarneq akuersaaruminaallunilu pissusissamisoortutut isumaqarfiginanngilaq, Anthon Frederksen oqarpoq.

Qanoq iliuuseqartoqartariaqarpa?

- Soorunami iliuusissat siullerpaartarisariaqarpaat ilinniartitaanerit qaffassarneqarnissaat, pingaartumik niviarsiat, nakorsat aammalu ilinniarsimasut atorfissaqartitavut, siunissami tamakkiisut pigilissagutsigit ilinniartitaaneq salliutinneqartariaqarpoq, Anthon Frederiksen oqarpoq.

Inatsisartut peqqissutsimut ataatsimiititaliaani ilaasortat partiillu peqqissutsimut oqaaseqartittagaat oqaaseqartinniarsimagaluarpagut, pineqartorli pillugu oqaaseqarsinnaannginnerarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq