Antalaya-p eqqaani gas qaartoq
Tyrkiami illoqarfiit ilaanni, Belekimi, akunnittarfiit nuimasut ilaanni gassiusivik qaarmat, akunnittarfimmi sulisoq ataaseq ajunaarpoq, takornarniallu ikinnerpaamik qulit ikiligaallutik. Gassiusivik igaffimmi qaarpoq, ajunaartorlu iggavimmi sulisuusimavoq.
Akunnittarfik Kaya, tallimanik ulloriartaliusoq, Antalyamiit kilometerit 40-t missaannik ungasitsigisumiittoq, tyskinit, israelimiunit russinillu najugaqarfigikkajunneruvoq. Angalatitsilli Tyrkiet Eksperten naapertorlugu danskit takornarniat 20-t akunnittarfimmi tassani najugaqarput.
Dankit takornarniat taakku attaveqarfigineqarniarnerat ajornausoorsimavoq, maannamulli tusakkat naapertorlugit taakku tamarmik ajunngitsut paasineqarpoq.
TV-qarfik CNN-Turk naapertorlugu ambulancit qatserisartullu ulappussimapput, akunnittafimmi najugallit sulisullu qimagussoriartorlugit.
