Anorersuit ingasatsikkaluttuinnarput amerliartuinnavillutillu

Silap allanngoriartornera pissutaalluni anorersuarujussuit imaaginnavipput, nalunaarut nutaaq taama paasissutissiivoq. Immap kissarnerulernera anorillu allarluinnaat takkuttalersut takutippaat ukiut 100-it ingerlaneranni anorersuit marloriaammik amerlassuseqalerlutik atuuttualersimasut.

Qallunaat aviisiata Jyllands-Postenip allaaserisaatigut ilisimatuut naliliipput anorersuarujussuit tallimat ukioq manna atuukkumaartut.

Anorersuit pillugit nalunaarut tuluit ilisimatuussutsikkut atuarfissuannit Philosophical Transactions of the Royal Societymit Londonimiittumit saqqummiunneqarpoq. Ilisimatuut tassaniittut oqaatigaat, anorersuarujussuit atuuttualerneranut pissutaasoq tassaasoq inuit pilersitaannik silaannaap kissarnerulernera.

- Nunarsuatsinni allannguutit 60 procentiisa pinngortarnerat imaluunniit 70 procentiisa pinngortarnerat pissuteqartoq ukiuni kingullerni qulini

tassaasoq silaannaap kissarnerulersimanerata nassatai, taamatut nassuiaavoq, doktor, Greg Holland, Jyllands-Postenip allaaserisai malillugit.

Anorersuarnik nalunaarusiap aamma takutippaa, ukiuni kingullerni 20-ni anorersuit atuuttarnerat qaffariarnerpaasimasoq.