Anorersuarujussuaq Michael Floridamut annguppoq
USA-p ulussaarsuarnik nakkutilliisoqarfiata nutaarsiassaqartitsivik AP naapertorlugu nalunaarutigaa ulussaarsuaq Michael ulussaarsuarnut uuttuut malillugu 4-mut sakkortuseriaqqittoq.
Ulussaarsuit Floridami nalliusimaartut ukiuni qulikkuutaani kingullerni arlalinni sakkortunerpaartarissagaat annertuumillu aseruatiteriffiussasoq ernumassutigineqarpoq.
Ulussaarsuup sakkortunerpaaffigisaa nunatsinni nalunaaqutaq malillugu ullaassaq sisamanut Floridami illoqarfiup Panama Cityp kujataata-kippasissuani kilometerinik 289-inik, Floridamilu illoqarfiup Apalachicolap kujataata-kippasissuani kilometerinik 273-inik ungasitsigisumiippoq.
Ulussaarsuaq meterinik sisamanik portutigisunik ulorianarluinnartunillu mallertitsivoq. Floridami amtini 22-ni innuttaasut 375.000-it missaanniittut qimagutsinneqarnissaannik kaammattorneqanngikkunik naalakkerneqarput.
