Anorersuarujussuaq Gustav USA-p kujataanut qanilliartorpoq
Inuit hundrede untritilikkaat qimarrapput.
Anorersuarujussuaq taanna aqagu unnukkut USA-p kujataanut anngutissangatinneqarpoq, illoqarfiullu New Orleans-ip borgmesteriata illoqarfimmi innutaasut anorersuarujussuup takkutinnginnerani qimaguteqqullugit peqqusimavai.
Isumannaallisaaneq annertooq piareersarneqarpoq, inuppassuillu bussinik qimagussuunneqarput.
Anorersuarujussuarnera sialussuaarneralu kisimik ajornartorsiortitsissangatinneqanngillat. Ulussaarsuaq meterinik tallimanik portutigisoq illoqarfiup New Orleansip sineriaanut anngutissangatinneqarpoq. Ulussaarsuaq pilertarpoq anorersuarujussuaq akunnermut 200 kilometerinik sukkatigigaangat.
Illoqarfimmi Louisianami pisortat innutaminnut sukannernerusumik oqariartuuteqarput. Illoqarfik qimanngikkukku tigusaasinnaavutit.
