Anorersuarnissaa ujaasinissamut unammillernartoqartitsisoq
21-nik ukiulik, Avalequt Gunnar Jakobsen tallimanngormat kingullermik aqisserniareerluni utinngimmat ujaarineqalerpoq. Ujaasineq ataasinngorpat nangeqqinneqarumaarpoq.
Allattoq Kenneth Elkjær
Nutserisoq Connie Fontain
Narsaq Kujallermiit kisimiilluni aqisserniap, 21-nik ukiullip politiinit tallimanngornermi ujarneqarnerani nutaanik takussutissarsisoqanngilaq.
Politiit marluk qimmerlu tallimanngornermi ualikkut ujaasimmukartinneqarput, taakkuli aqisserniamut ujarneqartumut takussutissanik nassaanngillat.
Nunatsinni politiit ujaasineq anorersuarnissaa pissutigalugu ataasinngormat aatsaat nangeqqinneqassanerarpaat. Politiit qimmiat alla ujaasinermut ikiortiseriniarlugu sapaatip akunnerata tulliani kujammukaanneqassaaq.