Anngunniunnermi Niviaq ajugaavoq
Nr. 1. Niviaq Chemnitz Berthelsen, Denmark.
Qaqutigoorluinnarpoq kalaallit sisoraatinik oqilaniuttartut VM-qartoqarnerani qullersatut allassimasarnerat. Taanna anngunniunnerinnaagaluarpoq taamaattorli Kroatiamiut Europallu kangiamiut inorsillugit kalaaleq inissimmat tusagassiortut nunanit tamalaaneersut niviarsissamut tunuarsimaarajuttumut Nuummeersumut isaat saapput.
Anngunniunnissaq sioqqullugu Niviaq Chemnitz Berthelsen ajugaasussatut ilimagisareerpoq 5 kilometerimullu unamminermi ajugaanermini atorpai 17.45,9 minutter qangatoorlugu unamminermi.
- Unamminerup kingorna nalunaaquttap akunnera missaliorlugu tusagassiortunit unngusimaneqarpoq. Tusagassiortut nunanit tamalaaneersut Niviap oqaaseqartinnissaa paggappaat, taama angalanermi Niviaq Chemnitz Berthelsenip siulersortaa Flemming Enequist unnersiorpoq.
Unamminerit ingerlaqqissapput sisamanngorneq februarip 24-iat naatsumut unammisoqassammat arnallu 10 kilometerimut unamminissaat, maanna Niviap annguffigisaa, ingerlanneqassaaq ataasinngorneq februarip 28-iat.
