Anngiortumik eqqusseriartumik tigusarinnittoqaqqittoq

Angut hashinik poortukkanik 100-nik iioraasimasoq ippassaq tigusarineqarpoq, tusagassiorfik allappoq.
Hashi 97,4 kiilu 2021-mi arsaarinnissutigineqarpoq. Taanna ukiunut tallimanut sanilliullugu agguaqatigiissinneranit tassa agguaqatigiissillugu hashimit 64 kiilumit annerungaatsiarpoq. Assi © : Malik Brøns / KNR
Allattoq Christine Hyldal
februaarip 01-at 2023 10:03

Angut hashimik mikisunut poortorneqarsimasunik 100-nik iioraasimasoq Kangerlussuarmi ippassaq ualikkut tigusarineqarpoq.

Sermitsiaq.ag taama allaaserisaqarpoq.

Kalaallit Nunaanni Politiit pigaartuisa pisortaata Bruno Brixip oqarnera naapertorlugu angut Sisimiunukariartortuuvoq. Taanna tigusarineqarpoq, politiillu eqqartuussivimmi sassartitsiniarnerat pissutigalugu Nuummut ingerlatinneqarluni.

Arnaq 30-nik ukiulik hashimik anngiortumik eqqusseriartutut sapaatip akunnerata siuliani ulluni 28-ni tigummigallagassanngortinneqarpoq.

Arnaq hashimik 1 kiilumik iioraasimasoq Kangerlussuarmi tigusarineqarsimavoq.

Hashi 97 kiilu 2021-mi arsaarinnissutigineqartoq

Hashi 97,4 kiilu 2021-mi arsaarinnissutigineqarpoq. Taanna ukiunut tallimanut sanilliullugu agguaqatigiissinneranit tassa agguaqatigiissillugu hashimit 64 kiilumit annerungaatsiarpoq.

AAMMA ATUARUK Arnaq hashimik anngiortumik eqqussisutut pasineqarluni tigummigallarneqartoq

Politiit 2021-mi ukiumoortumik naatsorsueqqissaarnerata takutippaa.

Siorna – tassa 2022-mi – ikiaroornartumik nunatsinnut anngiortumik eqqusseriaraluarlutik tigusarineqartut pingasoriaammik amerlanerupput. Amerlanerpaallu hashimik anngiortumik eqqusseriartuullutik.

Inuit pingasut ikiaroornartumik iioraasimanertik siorna toqqutigaat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk