"Annaassiniarneq" Grønlandsbankimut akisusimavoq

Qallunaat naalagaaffiata aningaaserivinnut sillimmasiissutitut periarfissiissutaa Bankpakke, ukioq 2009 -imi aningaaserivimmut Grønlandsbankimut 22 millioninik akeqarpoq.
Allattoq Jaaku Lyberth
februaarip 26-at 2010 07:27

Grønlandsbankip pisortaata Martin Kviesgaardip nassuerutigaa, aaqqissuussinermut Bankpakke 1-imut peqataaneq Grønlandsbankenimut akisusimasoq taamaattorli iluaqutitaqartoq, aviisi sermitsiaq ullumi saqqummersoq taama allaaserisaqarpoq.

Aaqqiissuteqarnermut Bankpakkenimut peqataanermi aningaaserivimmi Grønlandbankenimi atuisut atorniarnermikkut erniat annikinnerusut akilertussaavaat, Martin Kviesgaard oqarpoq.

Aningaaserivinnut qularnaveeqqut Bankpakke 1 iluaqutaalluni Danmarkimi aningaaseriviit arlaqartut ingerlaannarput, akiliisinnaajunnaarnerigaluillu pinngitsoortinneqarlutik.

Aningaaserivinnut qularnaveeqqut Bankpakke 1 ukioq 2008-imi upernaakkut pilersinneqarpoq ukiamullu septembarip ulluisa 30-ata tungaanut atorneqarsinnaalluni.

Aningaaserivik Grønlandsbanken Bankpakke 1-imut peqataanerminut 10 milliuunit sinnerlugit akiliissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq