Ann Andreasen Ilungersuussilluartutut nersornaaserneqartoq
P2 sisamanngornermi unnukkut nersornaasiivoq taannalu Danmarkimi klassiskimik nipilersortarnermi nutarsaasumut tunniunneqarpoq.
Allattoq Christine Hyldal
februaarip 14-at 2019 17:51
Ann Andreasen Uummannami meeqqat angerlarsimaffianni 1980-ikkut qiteqqunnerannili sulilerpoq, maannalu ukiuni 30-ngajanni forstanderiulluni.
Nersornaaserneqartoq meeqqat angerlarsimaffianni perorsaanermi suliaqarnermini nipilersorneq annertuunik atugarinera pissutigalugu nersornaaserneqarnissamut innersuunneqarpoq.
Meeqqat angerlarsimaffianni isumaginninnikkut perorsaanikkullu ukiuni kingullerni 20-ngajanni suliaqarnermini klassiskiminngaanniit kalaallisut tivanermut nipilersornermik atuisarpoq.
Meeqqat angerlarsimaffianniittut tamangajammik ullumikkut nipilersuutilerisinnaapput.
Orkesterit aqutsisuat Janne Thomsen aamma erinarsoqatigiit aqutsisuat Anne-Kari Ferenci aamma nersornaaserneqarnissamut innersuunneqarput.
