Aningaaserivissuup Swipp atorunnaarlugu MobilePay atuinnaleraa
Oqarasuaat angallattagaq atorlugu akiliisinnaanermut atortoq SWIPP, Grønlandsbankenimik atuisut nunatsinni atorsinnaasaat maanna ajornartorsiuleratarsinnaapput. Aningaaserivissuaq Nordea SWIPP-imi suleqataanerminit aniniarpoq, aningaaserivissuup allap Danske Bankip atortuanut MobilePayimut suleqataanissani aallutarerusunnerugamiuk.
Allattoq Inge S. Rasmussen
oktobarip 14-at 2016 06:53
Nutserisoq Mads Lynge
Grønlandsbanken pisoq pillugu oqaaseqarusunngilaq. Suliarli qanimut malinnaavigineqartoq, SWIPP-imillu atuisartut nunatsinni normui atorneqarsinnaasut, aningaaseriviup tusagassiinermi siunnersortaata Ulrik Steniusip oqaatigaa.
SWIPP, aningaaserivinnit 70-init amerlanerusunit suleqatigiissutigineqarpoq, Danske Bankillu atortuanut MobilePayimut unammillertitut isigineqarluni. Attaveqaatinik pilersuisut atortoq Paii aamma suleqatigiissutigaat. MobilePayilli atorneqarnerunera pissutaalluni atortut SWIPP Paiilu MobilePayimut naleqqiullugu atorneqarpallaanngillat, SWIPP-illu Paii naggataatigut pisiaraa.
Nordeali SWIPP-i pillugu suleqatigiinnermit maanna anilerpoq, Danske Bankillu atortuanut MobilePayimut maanna ilanngunnialerluni.
