Aningaaserivimmi sulisut suliumajunnaarput
Savalimmiuni aningaaserivinni marlunni sulisut, Danmarkimi Aningaaseriviit Kattuffiannut ilaasortat, Danmarkimi Kattuffimminniit suliumajunnaarsinneqarmata, Danmarkimi Aningaaseriviit Kattuffiat Savalimmiuni Sulisitsisut Kattuffiata sakkortuumik isornartorsiorpaat.
Sulisitsisut Kattuffiat isumaqarpoq, Savalimmiut Kalaallit Nunaallu Danmarkimi Aningaaseriviit Kattuffiata akikinnersiuillutik suliumajunnaarnissamik kajumissaartaraat.
Danmarkimi Aningaaseriviit Kalaallit Nunaani ilaasortaat 2005-imi suliumajunnaarput, savalimmiormiullu maanna tassa taamaasiorlutik, Katuffilli Danmarkimi suli suliumajunnaarsitsinngilaq. Savalimmiuni Kalaallit Nunaannilu suliumajunnaarneq akikinnerummat nukiit tassunga atorneqarput, Savalimmiuni Sulisitsisut Kattuffianniit oqarput.
Danmarkimi Aningaaseriviit Kattuffiata Savalimmiuni ilaasortai 224-usut ippassaq ullaakkumiit suliumajunnaarput. Føroya Banki Sillimmasiisarfillu Trygds ippassarli matoqqapput.
Nunani allani kattuffiit Savalimmiuni ilaasortaatitaqarnerat akilersinnaanersoq Savalimmiuni Sulisitsisut Kattuffiata apeqquserpaa.
- Kattuffiup ulluinnarni maani inissisimaffeqanngitsup, maani inuiaqatigiinnut akisussaasuseq qanoq ittuunersoq ilisimanngilaa, kattuffiilli maaniittut tamanna nalunngilluinnarpaat, Savalimmiuni Sulisitsisut Kattuffiat tunngavilersuivoq.
