Aningaaserivimmi pisortaasimasut tigusarineqartut

Islandimiut aningaaseriviutaani ajulusoorfiusimasumi Landsbankimi pisortaasimasut marluk tigusarineqarsimapput aningaasat nalinginik piaaralutik uukapaatitsiniarsimasutut pasineqarlutik.
januaarip 17-at 2011 08:33

Immikkut unnerluussisussaatitaasoq malillugu, aningaaserivimmi pisortaanerusimasoq, Sigurjon Arnason, aamma aningaasaqarnermut pisortaasimasoq, Ivar Gudjonsson, Islandimi aningaaseriviit ajulusoorneri pillugit misissuisoqarnerani tigummigallagassanngortinneqarput. IceNewsimi taama allaaserinnipput.

Unnerluussisussaatitaasut qullersaat, Olafur Hauksson, Islandip naalakkersuisuinit 2008-imi aningaaseriviit ajulusoorneranni pinerluttoqarsimasinnaaneranut misissuisussaatitaasoq, nassuiaasimavoq pineqartut killisiorneqarniarlutik sisamanngormat tigusarineqarsimasut, januaarillu 25-ata tungaanut tigummigallagassanngortinneqarlutik.

Landsbankimi pisortat allat tallimat killisiorneqareerlutik iperagaasimapput. Arnasonili Gudjonssonilu kisimik maannamut sooq tigummigallagaanersut saqqummiunneqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq