Aningaasatigut ajornartorsiorneq Kalaallit Nunaannut sunniuteqarsinnaavoq
Atuagagdliutini ullumi saqqummersuni tamanna atuarneqarsinnaavoq, Kalaallit Nunaanni aningaaserivinni marlunni - GrønlandsBankimi Sparbankvestimilu – pisortaanerit oqarput, aningaaseriviit taakku marluk ingerlalluartut.
GrønlandsBankimili allaffissornikkut pisortaq, Martin Kviesgård, isumaqarpoq, aningaasaateqarfiit ajornartorsiornerat nunat tamat akornanni suliffeqarfissuit aningaasaleereerusussusiat, ilaatigut aatsitassarsiornermut, aningaasaqarnikkut isumalluarfiusumut inuiaqatigiit tunuarsimaartilersinnaagaat.
SparBankimi pisortaaneq, Henning Hürdum, isumaqarpoq, aningaasatigut ajornartorsiorneq Kalaallit Nunaanni malugineqarsinnaassasoq, tassa suliniutinut sanaartornernullu avataaniit aningaasaateqarfiit aningaasaleeqataasinnaanerat atukkiisinnaanerallu ajornarnerulissasoq.
Aningaasaqarneq pillugu ilisimatuup, Martin Paldamip, Kalaallit Nunaanni aningaasaqarnikkut pissutsit isumalluarfigai, Kalaallit Nunaannimi aningaaseriviit Danmarkimi aningaaserivinnik suleqateqarluarmata.
-Allaassagaluarpoq USA-mi aningaaseriviit GrønlandsBankip SparBankillu suleqatigisuuppatigik, Martin Paldam AG-mit apersorneqartilluni oqarpoq.
