Aningaasat eqqukkatik agguaappaat
Aappariit Canadamiut, Violet aamma Allen Large, aasaq lottomik eqquipput 59 millioner koruuninik, taakkua 98 procentii, tassa 57 millioner koruunit, suliffeqarfinnut suliniutinullu assigiinngitsunut tunniuppaat.
Aappariit qanigisaat tamarmik aningaasanik tunineqarput. Aningaasarpassuit sinneri Allen aamma Violet-ip najugaqarfigisaanni eqqaanilu oqaluffinnut tunniunneqarput, qatserisarfiit sisamat tunineqarput, iliveqarfik aningaasaliiffigineqarpoq aammalu illoqarfigisaminni Røde Korsip immikkoortortaqarfia aningaasarpaalunnik tunineqartoq, aviisi politiken allaaserisaqarpoq.
Napparsimavik Violet Largep nappaammut kræftemut katsorsarfigisaa aamma aningaasanik tunineqarpoq.
59 millioner koruunit sinneri 2 millioner koruunit aappariit ullunut ajornernut atortagassatik tigummiinnaarpaat.
Aningaasat allannut tunniunneqarnissaannut aalajangerniarnermi aappariit sapaatip akunnera eqqarsarfigisimavaat, 75-inik ukiulik Allen Large oqarpoq.
Maannakkut ulluinnarnni inuunitsinni atukkagut ajunngillat immikkullu pilersaaruteqarata, angalanianngilagut nuannisaarniarluta illoqarfiliarneq ajorpugut aningaasallu asuli atorlugit, aappariit soraarninngornikkut tukkusoorsuit taamatut oqaluttuarput.
