Aningaasassavut 2009-mi saqqummersinneqassapput
Kalaallit aningaasassaat siulleq 2009-mi novembarip aallaqqaataani saqqummissaaq.
Allattoq Mads Lynge
Kalaallit aningaasassaat siulleq 2009-mi novembarip aallaqqaataani saqqummissaaq. Aningaasaq pappialaasoq 50 koruuninik naleqassaaq, Nationalbankimi allaffissornikkut pisortaq Karsten Biltoft oqarpoq.
Kalaallit aningaasaat qallunaallu aningaasaat nutaat ataatsikkut kaaviiaartinneqalissapput.
Kalaallit aningaasaasa 2008-p aallartinnerani kaaviiaartinneqalernissaat pilersaarutaagaluarpoq, politikkikkulli suliarineqarnera sivitsortoorsimavoq, maajimilu aatsaat kalaallit aningaasaqalernissaat aalajangiivigineqarluni.
Taamaattumik suli ukioq ataasingajak kalaallit aningaasassaat siulliit utaqqigallassavavut.