Aningaasartuutit 32 millioni koruuninik amerleriarput

Ukiup siuliani inuit 17.000-it missaani nunatsinni aningaasanik ikiorsiissutinik pisartagaqarput. Takkununngalu aningaasat katillugit 820 millioni koruunit pisortanit ikiorsissutitut tunniunneqarsimapput. Aningaasat taakku suliffissaaleqisunut, erninermusianut, siusinaarluni utoqqalinersiutilinnut kiisalu soraarnerussutisialinnut tunniunneqarsimapput.
Allattoq Peter Troelsen, Salome Hansen
juulip 24-at 2012 12:18

Siusinaarlutik utoqqalinersiutilinnut aningaasartuutit 13 millioni koruuninik qaffariartut, assinganik aamma suliffissaaleqisunut aningaasat ikiorsiissutaasartut amerliartuinnarput. Tamatumunngami aningaasartuutit 2011-mi ukiup siulianut sanilliullugit 7 millioni koruuninik annertunerupput. Tassalu siusinaarlutik utoqqalinersiutillit suliffissaaleqisunullu ikiorsiissutit katillutik 313 millioni koruuninik amerlassuseqarlutik.

Ikiorsiissutinik taakkuninnga pisartagaqartut amerlanersaat inuiaqatigiinni suliffinni assigiinngitsuni sulisinnaagaluarput, taamaalillutillu pisortat aningaasaqarnerannut sipaarutaasinnaagaluarlutk.

Aningaasartuuterpassuilli taakku akerlilluinnaanik erninermusianut aningaasartuutit annikillisimapput. Tamannalu isumaqarpoq meeqqat inunngortartut ikinnerulersimanerannik. Tamannalu Kalaallit Nunaata siunissaanut pitsaanerpaanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq