Aningaasarpassuaqarpoq

Sullitatsinnut atukkiukkusukkaluarpagut, suliniutinut aningaasaliiffigineqarsinnaasut piukkunnartut utaqqiinnarpagut, aammami 2007-mi atukkiussavut qularnaveeqqusiinivullu 400 mio koruuninik amerleriarput, taamaattumik attartortitsisarneq ingerlalluarsimaqaaq. Taamaakkaluartorli neriuppunga suliniutinik aningaasaliiffigineqartariaqartunik takkussuuttoqarumaartoq, kisiannili aamma maluginagassaavoq, inatsisartut aningaasanut inatsisaat aqqutigalugu aatsitassarsiornermilu suliniutit ajunngivissut ingerlammata, neriuppugullu aningaasanik amerlanerusunik atukkiussisinnaajumaarluta.

Sooq taamak aningaasaateqartiginersut apeqqutigigatsigu aningaaseriviup pisortaa nassuiaavoq imak:-Imaappoq ukiutoqaq 2007 aningaaseriveqarnerup silarsuaani ullu aallaassuteqalaartoq, tassami taarsigassiisarnermut tunngatillugu ajkornartorsiortoqarsimavoq, soorlu tamanna inuppaalussuarnit ilisimaneqartoq. Ajornartorsiuteqarnerup kingunerisimavaa sullitatta ilarpassuisa aningaasat aningaaserivitsinni uninngatiinnarmassuk allanut aningaasaliissutiginagit. Iluarisimaarparalu uninggasuutilinnut ernianik pitsaasunik neqerooruteqarsinnaasimagama, allaat uninngasuutillit GrønlandsBanken-imi aningaasaatiminnik uninngasuuteqarlutik. Tamanna immikkuulaarpoq, aammalu iliuuseqarsinnaanitsinnut periarfissilluarluta. GrønlandsBanken ajornartorsiuteqanngilaq, illua’tungerluinnaanilli inissisimavugut. Suliniutinut aningaasaliinissatsinnut periarfissaqarluarpugut, taamaattumik inissisimanerput ingerlatsinerpullu ajunngilluinnarpoq.

Ukiuni tallimani kingullerni aningaaservik millliardi sinnerlugu sillimateqartarpoq, 2006 minillugu taamanimi 900 mio. koruuni missaani sillimmateqartarpoq.