Qaanap kommunia aningaasatigut kipiluttunarluinnartumik inissisimammat ikiorserneqaqqissaaq, taama oqarpoq naalakkersuisut siulittaasuat Hans Enoksen.
Qaanaap kommuniata aningaasatigut ilungersunartorsiornera qanimut paasiniarlugu Hans Enoksen sapaatip akunnera kingulleq Qaanamut tikeraarpoq.
Qaanaap kommuniata aningaasaqarnera ilungersunarluinnartumik inissisimavoq, ataatsimoorlutalu ajornartorsiutip qaangerneqarnissaanut aaqqissutissarsiortoqariaqarpugut, Hans Enoksen ualimut oqarpoq.
Qaanaap kommunia 7 million kr.nik upernaaq bankimit atorpoq, aningaasalli atukkat nungunneqareersimapput. Aningaaanilli atorniartoqaqqissappat atukkat erniaanut Qaanaap kommunia akissaqanngitsoq, naalakkersuisut siulittaasuat erseqqissaavoq.
Qaanaap kommuniata akiligassani ukiuni arlalinni akilertarsimanngikkai upernaaq tusarliunneqarpoq, soorlu Nukissiorfimmut akiligassat akilerneqanngitsut taamani 3,2 million kr.niupput.