Aningaasaqarnermut inatsisissaq maluginiagassartalik

Aningaasaqarnermut inatsisissamut siunnersuut ippassaq saqqummiunneqartoq pingasunik maluginiagassartaqartoq, Inatsisartunut ilaasortaq Aleqa Hammond isumaqarpoq.
Allattoq Oline I. Olsen
oktobarip 04-at 2008 16:56

- Pingaaruteqartut pingasut maluginiarpakka. Naalakkersuisut pingaartippaat aningaasartuutit isertitallu oqimaaqatigiinnerusumik inissinneqartariaqarnerat, Aleqa Hammond naliliinermini oqarpoq tamannalu pingaaruteqarnerarpaa.

- Naalakkersuisoqarfiit nutaamik pingaarnersiuillutik nalilersueqqissimapput, aningaasanik sipaarfiusinnaasunik misissueqqissimallutik, Aleqa Hammond oqarpoq. Taassumalu pingaaruteqartutut tikkuarpaa aningaasaqarniarnikkut amigartooruteqarpallaannginnissaq Naalakkersuisunit iliuuseqarfiginiarneqalermat.

Aleqa Hammondip tunuarnerminut atatillugu tikkuartorsimasani tusaaniarneqarsimanersut oqaatigiuminaatsippaa.

- Uanga peqqutaanerlunga oqaatigisinnaanngilara, kisianni ernummatigineqartut aamma oqaatigisimasakka assut oqallitsitsipput, aamma inuiaqatigiit akuutinneqarnerunerat tassani takussutissaavoq, aamma pisussaavugut tusarnaassallugit ernummatigineqartut, Aleqa Hammond oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq