Aningaasaqarnermut ataatsimiitialiat kujataanut tikeraarput

Inatsisartut aamma Folketingip aningaasaqarnermut ataatsimiititaliaat kujataanut maanna tikeraarput. Nanortallip eqqaani kuultisiorfik Nalunaq Gold Mine, Qorlortorsuarmi imermik nukissiuuteqarfik, Kangilinnguani sakkutooqarfik kiisalu Qaqortup Kommunia tikeraarneqassapput.
Allattoq Mads Lynge
aggustip 09-at 2008 17:38

Folketingip aningaasaqarnermut ataatsimiititaliaa sisamanngorpat Nuummukasssaaq, Inatsisartullu aningaasaaqarnermut ataatsimiititaliaa Narsarsuarmukassalluni.

Aningaasanut inatsisissaq aappaagumoortoq pillugu tassani paasiniaaqatigiittoqassaaq.

Kalaallit Nunaanni inuussutissarsiornikkut qanoq ingerlasoqarnersoq kiisalu politikkikkut qanoq pisoqarnersoq Folketingip aningaasaqarnermut ataatsimiititaliaata annertunerusumik paasiniaassavaa, aatsitassanik iluaqutissarsiorneq qitiussalluni.

Namminersorneq pillugu ataatsimiititaliarsuup naammassisai, eqqartuussiveqarnerlu pillugu ataatsimiititaliarsuup isumaliutississutaata malitseqarnissaa siunertaavoq.

Folketingip aningaasaqarnermut ataatsimiitialiaani ilaasortat arfinillit suliffeqarfiit assigiinngitsut paasiniaavigissavaat, oqartussallu suliffeqarfii aamma paasiniaavigineqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq