Aningaasaqarneq pillugu siunnersuisoqatigiit
Naalakkersuisut aamma pisariaqartitsisartut paasinarpoq – tassami naalakkersuisunit Inatsisartut qinnuigineqarput Nunatsinni aningaasarsiorneq pillugu siunnersuisunik pilersitsinissamut aningaasaleeqqullugit.
Aningaasaqarnermut siunnersuisartut – soorlu aningaasanut inatsisissatut siunnersuummi allassimasutut – akit appariartornerat qaffakkiartorneralluunniit nakkutigissavaat, aningaasarsiornikkut politikkimik ingerlatsineq ilanngullugu.
Siunnersuisoqatigiit aamma aningaasarsiornikkut ajornartorsiutit assigiinngitsut misissoqqissaartassavaat – taamaalilluni siunnersuisoqatigiit assigiinngitsunik siunnersoqqulluni aperineqarsinnaassallutik – soorlu inunnik isumaginninnikkut ajornartorsiutit iliuuseqarfiginissaannut siunnersorneqarnermik.
Siunnersuisoqatigiit nunatsinni aningaasarsiornermik aningaasarsiornerullu ingerlanneqartarneranik ilisimalinnik inuttaqassaaq.
Ajornartorsiutit aalajangersimasut iluamik paasisaqarfiginiarlugit siunnersuisoqatigiit immikkut ilisimasalinnik aggersaasinnaapput – soorlu inunnik isumaginninnermut tunngasunik ilisimasalimmik aggersaasinnaapput, assersuutigalugu siunnersuisoqatigiit atugarissaarneq pillugu suliaqassappata – soorlu naalakkersuisunit tamanna siunnersuutigineqartoq.
