Aningaasanut inatsit oqallisigineqarpoq

2014-imut aningaasanut inatsisissaq tallimanngormat taasissutigineqarmat Siumumit, Atassummit Partii Inuinillu akuerineqarpoq, IA-millu Demokraatinillu itigartinneqarluni.

Allattoq Nutaarsiassaqartitsivik / Nyhedsredaktionen, Simon Uldum

novembarip 19-at 2013 09:38

Naammassineqarnissaali imaannaasimanngilaq. Suliarineqarnerami pissanganartutut, paatsiveerunnartutut ilaatigullu tukattupilussuartut nassuiarneqarsinnaavoq.

Aningaasaqarnermut naalakkersuisup Vittus Qujaukitsup Aningaasanut inatsisissatut siunnersuummut missingiutaa siulleq annertuupilussuarmik amigartooruteqarfiusussaagaluarpoq. Piffissarli kingulleq 20 mio. koruuninik sinneqartooruteqarfiusussanngortinneqarpoq, avaleraasartuunik misileraalluni aalisarnerup akitsuusersorneratigut GrønlandsBankimilu piginneqataassutinik tunisinikkut millionerpassuit iluaanarutigineqartussatut missingiutigineqalermata.

Kikkut pisussanngorpat, aamma kikkut annaasaqarpat. Aningaasanullu inatsit akuersissutigineqartoq ataqatigiiffiuva. Aningaasaqarnermut naalakkersuisoq Vittus Qujaukitsoq IA-llu siulittaasua Kuupik V. Kleist aallakaatitsivimmi pulaartoralugit KNR-imi Oqallinnermi aningaasanut inatsit oqallisigineqalerpat tamakku akissutissarsiffigisinnaavatit. KNR-TV-mi unnugu nal. 19.30 aamma 20.00 aallakaatinneqassaaq.

Aningaasanut inatsit oqallisigineqarpoq

Aamma atuaruk